smake

Hei!

Etter mykje om og men og tenking fram og tilbake, har eg bestemt meg for å skifte bloggplatform. Eg er ikkje nøgd med blogg.no og har difor opna ein Wordpresskonto.

Eg kjem frå no av til å skrive på den og eg håpar de følger med over til den nye bloggen. Antal lesarar har auka i det siste, -noko som er kjempe stas!! Eg set veldig stor pris på det :)

Det har bitt litt endring i profil og innhald, men eg kjem etterkvart til å flytte over arkivet frå denne bloggen til den nye.

De kan no besøke meg på lektorspire.wordpress.com

Stor klem frå meg

---

Eg er forresten skuffa med omsyn til utdanning i årets statsbudsjett. Det har ikkje blitt budsjettert inn midlar til fleire lærarar, sjølv om det var del av Soria Moria 2. I tillegg tykkjer eg i bunn og grunn at bevilginga av 2200 nye studiestadar ved norske utdanningsinstitusjonar, berre bygger opp om inntrykket av det er antalet studentar som blir uteksaminerte som tel og ikkje kvaliteten på utdanninga dei får. Kvantitet ser ut til å vinne over kvalitet. At midlane som blir tildelt forsking på langt nær innfrir måla i Soria Moria 2, om vekst innan norsk forsking, forsterkar dette ytterlegare.

I tillegg viser forslaget om flat studiestøtte over ti månadar, manglande forståing for studiekvardagen.

Likevel bør ein applaudere at regjeringa satsar på førebygging av elevar som dett ut av vidaregåande skule. Dette er eit problem som burde vore kartlagt og motbygga i mykje større grad.

Dersom Noreg skal bu seg på å bli ein kunnskapsnasjon, treng ein politisk mot til å foreta større og meir langsiktige satsingar. Per no verkar det meir som om halvparten ynskjer å revolusjonere norsk skule og utdanning på null komma null gjennom skippertak. Den andre halvparten sit på gjerdet og er litt handlingslamma. Me studentar veit at skippertak ikkje lønner seg i lengda, ei heller apati foran foreståande eksamenar. Her trengs tolmod og langsiktige mål, -og for politikarar og veljarar.

---

Hei!

Er kjapt heime før me går laus på Stadtrallyet. Eg har alliert meg med nokre kjekke jenter frå kurset mitt, så no satsar me på å gjere det godt!

Me har endeleg fått skikkeleg internett i leiligheten og det er ein lettelse. No kan rekningar betalast, Nett-TV sjåast, Skype nyttast og ikkje minst; no kan me bloggast!

Og forresten; Eg nådde treningsmålet mitt! Dei siste treningsøktene kan ikkje skrytast så mykje av, men hovudpoenget var at eg kom meg ut i frisk luft trass dårleg form.

Premie var te + litt anna hjå ein av dei mange tebutikkane her i Heidelberg! To grønne aromatiserte typar. Pink Grapefruit og Vanilje.

Til sjuande og sist; I dag er det World Teachers' Day! Gratulerer med dagen til alle som gjer ein flott innsats i det norske skuleverket!

 

---

Kikar berre innom for å avlegge rapport! Her i Heidelberg skin sola for å feire 20 årsjubileum for gjenforeninga av Tyskland. Me har diverre tilbragt store delen av dagen heime på sofaen då almenntilstanden er låg. Feber og vondt i halsen har blitt forsøkt jagt bort med film, bok, te og pledd.

I stad sneik me oss likevel litt ut i sola for å få litt frisk luft og kike litt på alle folka som var i byen. Folk er ute i gatene og det er fullt på uterestaurantane. Ein ser nokre få tyske flagg som heng på husveggene, men der stoppar likskapen med den norske nasjonaldagen. Ingen har pynta seg noko særleg og det verkar å vere meir ein familiedag enn ein nasjonaldag. På radioen i dagmorges viste dei til ei undersøking der heile 40% rekna nasjonaldagen som ein heilt vanleg dag og ikkje noko spesielt. Det er lite felles arrangement å spore, noko som er rart for oss nordmenn som er vande med eit land som er farga i raudt, kvitt og blått og der alle ropar høgt "HURRA" kvar 17. mai. Eg fekk meir kjensla av nasjonal stolthet då eg stod på Reeperbahn i Hamburg med tusen andre tyskarar i 2006 og såg semifinalen mellom Tyskland og Italia på storskjerm. Det er diverre slik at sjølve nasjonaldagen for mange framleis er eit ømt punkt og noko ein framleis ikkje tør å rope høgt hurra for. Ein vender seg heller til andre nasjonale symbol, så som fotballen, for å uttrykke stolthet over landet sitt. Eg tykkjer det er synd.

Etter å ha tatt ein rundt i byen, gjekk me innom ein lokal café som har spesielisert seg på kakao og vin. Rett og slett ein fantastisk plass. Dei har over 60 sortar kakao. O prøvde mayaversjonen med mørk sjokolade og chili, medan eg prøvde ein lysare variant med honning og kanel. Nydeleg!

I morgon byrjar orienteringsdagane for Erasmusstudentane. Dette blir kjekt!

 

---

Plutseleg gjekk det an å legge opp bilete igjen, så eg snik meg til eit innlegg, før internetten byrjar å krangle igjen. Turen til Frankfurt i går var kjempe fin og me fekk unnagjort mange ærender som hadde stått høgt på lista. I tillegg fekk me oppleve lunch på ein takterrasse, med fantastisk utsikt over Frankfurt. Med ei sol som stråla, vart det ein nydeleg dag. Om kvelden var det norsk treff på Rossi. Det heile enda med at fleire av oss tok ein tur på byen. Takk for ein fantastisk morosam kveld!

I dag vakna gemalen med feber og forkjølelse, men vart hakket betre med litt heksebrygg (varmt vatn, ingefær i betar, ei sitronskive og honning ) i kroppen. Det er ein vidunderkur! Ut på ettermiddagen henta me vår vesle kompis på to år som skulle vere med oss i dag, då foreldra hadde mota seg opp til å ta ein tur på Ikea. Ikea på ein laurdag var ingen god idé for ein liten kar. Då var det mykje kjekkare å ete is på Schmelzpunkt, sjå Madagaskar og ete bringebær heime hjå oss når veret var heller dårleg ute. Rett og slett ein nikoseleg dag!

No har me nett hatt dampa brekkbønner og sprøsteikt bacon til helgemiddag. Ikkje så storslått, men akkurat det me hadde lyst på i dag. Det smakar fantastisk! Me har og fått låne ein DVD-boks med Livet med Larkins av naboane, så no er me rigga til i sofaen med litt laurdagssjokolade og tende lys. Dette blir nett som laurdagskveldane då me var små!

---

Når det å utføre noko på internett no er som å vente på Godot, legg eg berre ut eit kjapt YouTube-klipp som helgestart! For eit partytriks!

 

(Dagens ord og andre oppdateringar blir sett litt på vent til internett har ordna seg. Eg kjem sterkare tilbake!)

Ha ei fin helg!

---

I påvente av installering av trådlaust internett, har internett-pinnen vår trappa ned på intensiteten. Det fører til at ein ikkje kan laste opp bilete og det tar tid å laste opp innlegg. Så lenge dette varer, blir difor aktiviteten på bloggen litt lågare. Trådlaust internett kjem på tirsdag, så eg skal helelr samle opp innlegg til dess!

I dag hadde eg meg ei ny økt på treningssenteret. Det var fantastisk kjekt å springe litt av seg. I morgon blir det treningsfri men det blir ny runde på laurdag og søndag. Dette er siste innspurt på treningsprosjektet mitt og no manglar berre to kryss!

I morgon skal me til Frankfurt med eit norsk venepar som og studerer her. Shopping og lunch står på planen. Om kvelden er det norsk/skandinavisk treff på Rossi. Eg gler meg!

---

Eg har problemer med å laste opp bilete, så dette får blit eit reint tekstinnlegg. Dagen i dag har gjort meg hakket meir klokare når det kjem til kva fag eg skal ta. Eg var på rådgjeving og det var til stor hjelp. Hurra! Elles har me lest grammatikk og vore på vår første trening på Pfitzenmeier!! Etter ein times styrketrening tusla me heim og laga oss ein "no er det snart tomt i kjøleskapet-pizza", som den kvite pizzaen har blitt omdøypt til her i huset. Ein sein middag men nydeleg godt når kroppen er støl.

Ha ein fin kveld!

---

I dag spratt eg opp klokka sju for å bake litt. Det var tross alt frukostmat eg skulle bake, så då var det god nok grunn for å ta ein tidleg start! Desse muffinsane er ein annan versjon av desse. Her har eg nytta blant anna soyayoughurt, speltmjøl og tørka tranebær som nye ingrediensar. I tillegg har eg kutta ut fleire av ingrediensane i den forrige oppskrifta. Kort og godt for å få ein ny smak.

Desse muffinsane er geniale mellommåltid, "etter-trening-mat" og elles som ein litt annleis frukost eller kvelds. Dei er best same dagen dei er bakte, men ei kan fort gjere dei nybakte igjen, ved å varme dei opp med brødristar eller i steikeomn.

Ingrediensar:

2 egg
2 bananer
4 ss rapsolje
2 ss honning
1 dl soyayoughurt (evt. vanleg youghurt)

3 koppar speltmjøl
1 ts bakepulver
2 kopp havregryn
3 ss linfrø
1/2 ts salt

2 koppar valnøtter
1 kopp tørka tranebær

- sett steikeomnen på 190 grader.
- varm ei tørr steikepanne og rist først havregryna, så valnøttene. Grovhakk valnøttene etterpå.
- mos bananene og visp saman med egga til du får ein eggedosis-liknande konsistens. Tilsett rapsolje, honning og youghurt og bland godt.
- bland saman mjøl, bakepulver, dei rista havregryna, linfrø og salt. Sikt i den våte blandinga. Bland godt. Tilsett litt ekstra youghurt dersom det blir for tørt.
- vend inn valnøttene og tranebæra i røra.
- fordel i former (helst faste) og steik i 25-30 minutt.